علشان لما تقرر تشتري BOSCH
بالنسبة لموضوع الدقاق البوش كان فيه تعارض وخلافات كثيره علي التقليد ، اولا خلينا نحدد الموديلات الي عليها خلاف
GBH-2000
GBH 2-2*
طيب أول نقطة ممكن تستدل بيها إذا كان الجهاز تقليد أو اصلي هو السعر والي هيبقي أرخصهم هو الGBH 2000 و سعره في ال سوق حوالي ١٤٠٠ جنيه
وبعد كده الموديلات ألي أسمهم بيبداء ب*GBH 2-2 بيكون سعرها
بيبداء من ٢٨٠٠ بالنسبة للموديل رقم GBH 2-24 حتي ٥٠٠٠ للموديل رقم GBH 2-28 طبعا الفرق في مواصفات الأداء فقط لكن الخامات واحدة تحت سلسلة Bosch hammer 🔨
كده احنا حددنا اول نقطة وهي انك تكون عارف توصيف الموديل الي انت نازل تشتريه مش مجرد هيلتي بوش عدل وخلاص
ندخل في تاني نقطة وهي ال barcode أو الرمز الشريطي , لما تنزل تشتري الطبيعي أن الشنطة بيبقي عليها مجموعة من الملصقات عليها من الخارج والي بيبقي فيها الرمز الشريطي لو عملت عليه مسح بأي برنامج مسح barcode scanner
المفروض تلاقي كل مواصفات المنتج و تاريخ التصنيع و ده حاجه
تستدل بيها عن المنتج من قبل ما تفتح الشنطة حتي .
طيب الشكوش جي من غير شنطة أو من غير ملصقات يبقي نرجع لمواصفات المنتج نفسه ودي ثالث نقطة ، اولا كل العلامات التجارية
زي Bosch بارزة عن الجسم الجهاز نفسه و بتبقي جزء من الجسم(( مش بتكون راكبه عليه )) عشان فيه نسخه تقليد نزلت بالفعل بالشكل ده و لحسن الحظ هي مش موجوده في السوق عندنا حاليا بس بحكم متابعتي لبعض القنوات الروسية علي اليوتيوب لقيت النسخة دي موجوده وده معناه أنها هتنزلنا السوق بس بعد فترة إنما النسخة التقليد المتاحة حاليا بتبقي كلمة بوش عليها مجرد لاصق مش بارزة خالص زي الي في الصورة كده
رابع نقطة هي كلمة ***((Bosch hammer))*** لازم تبقي موجوده عند الرأس بتاعة الشكوش و ده أساسي مافيهوش اي اختلاف من أصغر لأكبر شكوش
