بإختصار شديد ودي وجهة نظري قد تختلف أو تتفق حسب تجربتك
كاريير تبريد شديد لانها بتستخدم انواع كباسات ذو كفاءة عالية ويعيبهم نظام الضمان
( سنة شامل واربع سنين غير شامل المصنعيات)
نفس الكلام ميديا لو عاوز توفر شوية في السعر
جري تقفيل وجودة ممتازة واقل استهلاكا بنسب بسيطة علي حساب التبريد بس هات الموديلات الأعلي سعرا ( عيبهم ان موديلاتهم كتير جدا والعميل بيحتار والموديل الاقل سعرا بيبوظ سمعة الماركة كلها)
شارب ضمان العربي واسعار مصنعيات مقاربة جدا لاسعار السوق ويكفي اسم الحاج محمود العربي ربنا يشفيه ويبارك للأسرة المحترمة دي كلها
عيبهم ان ال 3ح حجم الوحدة الخارجية كبير جدا في الموديلات الجديدة
ولو قلقان من موضوع الالومونيوم هات الموديلات الساخن لانها نحاس
عندك تنوع في الموديلات واختار براحتك
بس لو قررت الانفرتر انت مجبر تجيب الديجيتال
كلمة ديجيتال بتفرق في تلات حاجات
بلازما كلاستر ( عنقود العنب)
شاشة ديجيتال في الوحدة الداخلية
تحريك السوينجات يمين وشمال
تورنادو ضمان العربي
ال 1.5ح سئ بإجماع الآراء خامات ضعيفة
ال 2.25ح وال 3ح تقريبا نفس الموديلات القديمة من شارب بس مش هتلاقي البلازما لانها مينفعش تتحط علي اي ماركة غير شارب ( حقوق_ملكية)
إل جي لما كان سعودي كان أفضل بكتير وانا مركبه في بيتي بس التركي وبصراحة مش عاجبني
مجربتش الضمان بتاعهم بس معلوماتي ان قطع غيارهم بعد الضمان فيها استغلال شديد ودي سياسة الشركة في كل منتجاتهم انهم بيكسبو جدا من قطع الغيار فيما بعد
وللعلم كل منتجاتهم انفرتر حاليا يعني مفيش قدامك خيار
لو حبيت تركب جهاز عادي اصرف نظر عن إل جي
فريش جهاز كان بينافس لما كان سعره بينافس لكن لما بقي مقارب لشارب وكاريير خسر كتير
ايه اللي يخليني اركب فريش لما ممكن اركب كاريير وشارب وجري
ترين انتشاره بقي ضعيف جدا
وكيله شركة أتوم في شارع النزهة
وخللي بالك ترين بتاعة السبليت غير ترين العالمية بتاعة المركزي والتشيلرات والكلام الكبير ده وقطع غياره مش هتلاقيها الا عند الوكيل وغالية جدا ( اشتغلت معاهم سنة 2013 😂)
مرة عميل قاللي كلمة قبيحة في التليفون لما بلغته بسعر ريموت لموديل قديم متسعر علي السيستم ب 700جم 😑
موتور الوحدة الخارجية مثلا ب 2000جم
في المقابل بتاع الكاريير مش هيعدي ال 800جم
إنت وحظك بس لو الفاس وقعت في الراس والجهاز عمل معاك الغلط متعتمدش علي الضمان قوي
مفيش انتماء من الفنيين للشركة نتيجة المرتبات القليلة وكذا مرة المصنع يفنش العمال والفنيين مع اي ازمة اقتصادية ( اصلاء اصلاء مفيش كلام)
أول شركة افتكست الوصلات الانتمونيا عشان توفر في سعر الجهاز
بيتعمدوا يستوردوا قطع غيار رخيصة عشان كده الجهاز رخيص واسوأ تغليف للجهاز للأسف
وللعلم ناس مركبة الجهاز وبيشكرو فيه جدا
للاسف العميل بيخاف من الاسماء الغير معروفة بس سمعت عنه كلام حلو كتير
ابحث مع الشرطة
مكسوفين تقريبا ينزلو السوق بقوة
الحمد لله نزلو الكتالوجات والاسعار وعملو اعلانات في رمضان اللي فات ولا اللي قبله تقريبا وخلاص علي كده
مش ده تلفزيون برضه
عاوز تنزل سوق التكييف مس لازم بنفس اسمك القديم خصوصا ان اسمك ملتصق في ذهن الناس بالتلفزيونات القديمة
ماشي جنب الحيط
اشتهر قوي ايام التهريب من ليبيا وفي وكيل نزله رسمي بس ذهب مع الريح
معرفش
احلام رجل اعمال تحطمت علي صخرة السوق المصري لللاسف
لو كنت عايش في الخليج هتجيبه عشان سمعته لكن اللي بينزل مصر نفس الكفاءة؟