بعض اكواد واعطال التكييف

فك حساس البوابه من الداخل Tps

النهارده جايبلكم موضوع جميل.

( ارجوا ان لو حضرتك بتعرف تمسك مفك وتشتغل انك تستفيد منه..حضرتك ما بتعرفش ارجوك ماتعملش كده خالص وروح متخصص )...

( انا با اقبل المخاطره وعندي بدايل كتيره وعارف با اعمل ايه )

بدايه ..جالي مشكله وطلعت في كشف الكمبيوتر ان حساس الثروتل او الخانق او البوابه ( Tps ) مش شغال..بيدي قرايات خطأ..والجميل ان كان صاحب العربيه بيعاني من تأخير نقلات الفتيس الاوتوماتك 👉.. حضرتك مش ده السبب المباشر ولكنه عنصر من عناصر الكشف اللي ليها يد وتدخل في الفتيس الاوتوماتك ( بناء علي خبرتي ) ...( لاحظ ان مش هو لوحده بيدخل في القصه دي..في زيت وفي حساس ضغط الزيت وساعه الزيت والسيرفو والكنترول...كتيير..بس انا حبيت اشرح ب تفاصيل..

تم تغيير الحساس بتاعه والدنيا ظبطت تمام التمام..وخلصنا صيانه..وقبل ما يمشي انا ( اشتريت ) الحساس القديم 👉.. رغم انه بايظ... وقولت اعمل الموضوع ده..

اخدت الحساس البيت..وبالصاروخ .عرفت علي خفيف اني اشيل ضهره..بدون ما ابوظ حاجه..

وكان من الداخل عباره عن ( بورده ) وبيجري عليها ريشتين نحاس.

تم فك سوسته رابط الدراع البلاستك وتم فك الدراع نفسه ونضفت البورده دي وكمان رجعت الريشتين يلمسوا كويس في البورده..

وقفلت ب لحام ايبوكسي باين في الصوره..

وتمت التجربه

والحساس يعمل بنسبه ( 100% )