بعض اكواد واعطال التكييف

حساس البوابه او الخانق او الثروتل Throttle position sensor  TPS  

حساس البوابه او الخانق او الثروتل..

الراجل ده بقا حكايه..

داخل ف كل حاجه..تقريبا كده زي الشعريه في الرز او اللبن فالشاي او المعلقه في الفنجان...شوف ده زي الشريك الموافق كده..

والله لو سليم وعال وكويس ..الدنيا بيس وهاتلاقي مؤشر لفات الموتور ثابت ومش بيتحرك او لو انت ما عندكش مؤشر هاتسمع صوت الموتور هادي.

لو بايظ ها يعمل ( عااااان...عااااااان....عااااااان..)

طالع ونازل ...طالع ونازل في الموتور

الحساس ده مش بيتنضف ريح نفسك ده ( مقاومه متغيره )

الحساس ده نادرا ما بيبوظ وغالبا بيبوظ من قفله كهربا او الجاك بتاعه لمس ف جسم العربيه ( هاتبطل ) او مشكله عموما مع الكهربا....

لا يوجد طريقه للحفاظ عليه غير عدم اللعب في الكهربا والمحافظه علي نظافه وسلامه الجاك بتاعه بالضفيره عموما..

هاقولك وجهه نظري..هو محطوت هنا ليه وبالتحديد الجهه المقابله للسوسته بتاعت البوابه

لان البوابه عموما الوضع الطبيعي بتاعها مغلقه ..مش بتدخل هوا..مغلقه تماما... ولما حضرتك بتدوس بنزين البوابه بتتفتح بقيمه دخول الهوا المتساويه لدوسه رجلك .... فا الحساس ده محطوت يعرف نسبه فتحه البوابه دي...

وبالتالي بيروح يقول للكنترول نسبه فتح البوابه فالكنترول بيترجم النسبه دي لكميه هوا وبالتالي كده اتعرف كميه الهوا اللي داخله للمانافولد (( الصندوق الاسود )) ده..

الخلاصه..

لو جدت لمبه الاتشيك نورت او لفات الموتور طالعه نازله وفي ارتفاع حراره ( وارد ) وفي تقطيع لو انت اوتوماتك...

روح اكشف عليه كمبيوتر...

والله طلع عطل...

حضرتك هاتغيره..وبيركب بدون جوان عادي لطش كده.

لا انصح تماما اللعب في المكان ده..لانه هايكلفك فلوس.

روح لمتخصص افضل...

اديك عرفت المعلومه...بس كده