فك البوابه بالكامل للتنظيف
خرج بعض الناس علينا بضروره #فك البوابه بالكامل للتنظيف..
وتعليلهم ان الاتساخات اللي هايتم تنظيفها من خلال دواره الموتور دي هاتدخل وحده المانافولد وان التنظيف ده بيكون غير فعال
وان الصح فك كامل المشتملات المتصله بالبوابه من خراطيم واسلاك والوصول اليها ثم تنظيفها بالخارج بالبنزين واعاده التركيب وكل شيئ لاصله...
دي مقاولتهم 👉..وانا باقول #بلح👊..
اقراء هاتعرف ليه النخل طارح بلح👇
نعرف الاسباب...
لازم نعرف قبل كل شيئ ان تنظيف البوابه بيكون لاسباب محدده فقط ومش عمال علي بطال☺ ....
رقم 1- ان في نتشه مع دوسه البنزين👉
رقم 2- تحجيره وعدم رجوع الدواسه مكانه وارتفاع لفات الموتور
( فقط لا غير )....👉
يبقي دول السببين اللي لو ظهروا #فقط يتم تنظيفها..👌
او يتم تنظفها #وقائي كل 20.000 كيلو😋 مع صيانتك
نقعد نحلل بقا #البلح 👇
اولا مرحله فك كامل مشتملات البوابه دي #مرهقه جدا و #غير #عمليه وفي فرصه كبيره لقطع احدي خراطيم دوره تسخينها المتصله بيها🙄
وكمان فرصه ان مسامير وسوسته سلك البنزين مايتعدش تركيبهم بالطريقه الصحيحه🤓
وفي جوان داخلي في فرصه كبيره لعدم احكام التركيب عليه زي ما كان🤒
وفي فرصه كبيره بردو لان واحد من ال 4 صواميل اللي ماسكينها حاجه فيهم تكون مصديه وتتقطم وماتخرجش او تفوت😖
وبعد فكها ( الهدف ايه ) اني انضف خلف البوابه ??!
ما هو السبب لان تنظيف خلف البوابه #بلا فائده علميه.
طالما تم التنظيف علي #الكمبيوتر واعاده لفاته للطبيعي بكده احنا وصلنا للهدف مباشره بدون #تدمير وارهاق...
طيب.. #المانافولد ده ايه اصلا وهل في مشكله لو فيه وساخه علي جدرانه ?!.😕
المانافولد ده فراغ مصنوع لدخول الهوا زي ماهو بعد ما مر من خلال الفلتر عبر البوابه وصوله ليه الفراغ ده في منتصفه حساس اسمه Map وده بيقيس #ضغط و #حراره..
طيب ياعم الحاج لو انت فكيت الحساس ده ونضفته بسبراي وخلصت كده في مشكله😮....
لو عملت كده لا توجد مشكله وانشاله المانافولد يكون مطين من الداخل ده مش هايأثر علي حكم الحساس...😌
#الصح_والمتعارف_عليه👇
حضرتك تنظيف البوابه بيكون فقط اثناء دوران الموتور وقبل تغيير البوجيهات.. ودي مش هاتاخد اكتر من دقيقه👍 عمل ....والنتيجه اصلاح العطل اذا كام ( تحجيره او تعليق اة ارتفاع لفات من ال Idle ) وبعدها بيتم كشف الكمبيوتر لمعرفه عدد لفات الموتور 800 طالع نازل....💪💪
الطريقه بتاعتهم #خطأ👎
عشان طول مده الفك ممكن تستغرق ( #ساعه ) ونسبه #الاضرار الللي ممكن تحصل وتكلفه اصلاحها اكبر من ارتفاع لفات الموتور... الصنايعي هايوهمك انه شغال في NASA ويضرب مصنعيته في 2 وادفع يازبون😅 ..
وفي النهايه النتيجه انك عملت مجهود كبير وتكلفه عاليه والوصول بطريقه صعبه لنتيجه ممكن الوصول اليها في دقيقه واحده.👉
يرجي العلم ان التنظيف اصلا في اي حال من الاحوال هايكون فقط ( فقط ) اثناء الصيانه العاديه كل ( 20.000 ) كيلو او ظهور مشكله تحجيره او تعليق في دواسه البنزين...
ولازم تعرف انك مش هاتاخد #CC زياده علي ال 1599 CC اللي عندك.. وان التنظيف للضروره فقط مع الصيانه او اصلاح للعطل المذكور.....🤘👌
لو سمحت اقراء...افهم.... حلل كلامي كويس واعقلها بنفسك👉
لكم مني كل الاحترام
