فك حساس الايديال
بوست قوي جداااااااااااااااااا
خطر 💀.. مش للمستخدم العادي 💀💀💀💀💀
فك حساس الايديال
قاعده هامه..عارف تعمل كده اهلا وسهلا..مش عارف استفيد واعرف للمعرفه وما انصحكش تجرب او تفكر حتي انك تعمل كده.
(انا عارف وعندي بدائل كتيره ...)
كان عندي ( حساس ايديال Idle ) بايظ مش شغال..
قولت اقولكم طريقه فك ( البايظ ) وسر فكه بدون كسره👉 واعاده تنظيفه ...واعاده ظبطته..😋
#ملاحظه..انا جبت الخبره دي من تدمير حوالي 4 او 5 حساس ايديل قبل كده علي فترات زمنيه متباعده ..عشان يتم تغطيه كل جنب من جوانب فكه واصلاحه وتركيبه#### خد بالك من النصايح الصغيره والتركات الفنيه الموجوده في البوست والله رشقت فيها بدماغي عشان اعرفها...هديه ليك 🌹...
اولا هو من الطبيعي يكونله فاتحه بزاويه كده ما لا يزيد عن ميللي متر واحد ولا يقل👉
في تيله المونيا نزله ( كبس ) عشان تظبط زويته البلاستك..
طريقه احلال التيله دي هيا الصنعه كلها..👉👉👉
انت محتاج كاويه وبنسه ببوز... وخبره كبيره وحساسيه ايد انك ما تبوظش البلاستك ولا تخرمه ينفد الناحيه التانيه..👊
الكاويه دي يادرب بتدخل #بورمه وتشبط وترفع سن التيله دي وبالبنسه امو بوز بسرعه هاتعرف تحلها لفوق..👍
بعد احلال التيله ( ماتحركش اي جزئيه ) من النصفين بتوع الحساس..بتعلم اماكنهم بإستخدام قلم كوريكتور او فلوماستر بس ما يتمسحش بسهوله تحت ايدك. عشان لما تقفل..التقفيله تكون ( مصنع ) ونفس المكان..👌👌👌
حبيبي لاحظ ان 0.1% زاويه تقفيل غلط هيدي قرايه غلط...👉.
طريقه الفك بلف النصفين عكس اتجاه عقارب الساعه ( 180 درجه )🖐
خلي بالك القواعد التعشيقه اللي ربطاهم ( 3 ) وبلاستك..ولازم ال 180 درجه دي تكون مظبوطه لغايت ما تحس ب ( #طقه ) سوسته تحت ايدك وهاتلاقي النصين بعدوم عن بعض.👉👉👉👉👉
واحده واحده ارفع بهدو-😇
المكونات ( جوان كاوتش ) مهم جدا اوعي تبخ عليه اسبراي هايسيح في ايدك ...👊
وفي سوسته دايره✋
والدراع من الداخل اللي ماسك البوابه الالمونيا👉
واخيرا جسمه...صفايح حديد ( لانه موتور مغناطيسي ) بشتغل بيفتح ويقفل بناء علي امر من الكنترول ( اصلا ده مش حساس ده مشغل ).. ولكن بنقول عليه حساس...
حضرتك نضف بإستخدام اسبراي منظف انجيكشانز carb cleaner.. مش Wd40.. حبيبي اسبراي جاف مش اكاي حتي بتاع الكاسيتات..لا كارب كلينر ومش اسبراي زيت ( اوعي ).
بعد التنظيف👍👇
وعند التركيب.. واحده واحده عشان ما تكسرش ال 3 ريش البلاستك اللي بيمسكوا الجزئين..👍 وانت بتضغط...
بترجع السوسته الدايره مكانها😋
وبتسقط الجسم ف مكانه بزاويه (((( 180 )))) درجه تاني
وتضغط سنه سنه سنه ..لغليت ما البدايه تعشق😋. ولاحظ انك ما تفرمش الجوان..لو الجوان اتقطع..الدنيا باظت...والايديال هايجيب هوا من بره والقرايه مش هاتظبط ( لفات الموتور يعني )
وهاتبتدي اللف لغايت ما ترجع الجزئين تاني مكانهم وسقط التيله ف مكانها.. وماتستخدمش الكاويه تاني..سقطها بس.هيا هاتشبط ومش هاتقع
مبروك انت صلحت البايظ.😘😍😋
ملاحظه.. لو ميكانيكي دخل مفك حديد يرجع بوابته هاتبوظ فا متتعبش نفسك وتفك وتصلح. البوابه بتاعته مش بترجع بالطريقه دي كده...
