القماطات Clamps:
القامطة عبارة عن أداة ربط , بنستخدمها عشان نثبت قطع الخشب مع بعض , و بتمنعهم انهم يتحركوا أو ينفصلوا خلال عن طريق ضغط داخلي على الخشب , سواء و احنا مستخدمين غراء عشان يمسكوا في بعض , أو من غير غراء كتثبيت مؤقت .القمط ليها أنواع كتير :
- قامطة حزام (band Clamp)
و دي في الغالب بتسخدم لتجميع الفريمات المعتمدة على الزوايا ال 45 درجة أو أي فريم متأسس على زوايا
- قامطة حرف f , (F Clamp)
و دي بتستخدم في شد القطع الخشبية على بعض في منها بيشتغل بالدق و في منها بيشتغل بقلاووظ
اللي بالدق اسمه بلدي , و اللي بقلاووظ اسمه فتيلة , و فيه منه أطوال , أنا بفضل الفتيلة و بحب الألماني و الأسباني , سعره مرتفع حبتين , بس يستاهل , في نوع منها اسمها quick Grip و دي دلع كده كل الأنواع اللي جبتها من مصر رديئة جدا
- زرجينة (bar Clamp )
و دي المفضلة عند نجارين الباب و الشباك , لأنهم بيجمعوا الأبواب بيها لقوتها و في الغالب بتبقى عمولة
أنا عندي منها , بفضلها في تجميع القرص , زي قرصة البنك اللي بعمله للكورسات و هواة النجارة , أو تجميع قرصة السفرة أو الطرابيزات بشكل عام
- قامطة حرف C أو G , ( C clamp or G clamp )
و دي صغيرة و فكها صغير , يعني ما بتمسكش حاجات عميقة , بس قوية
- Hand screw
ما أعرفش اسمها بالعربي, عمري ما شفتها في مصر, فكرت أصنعها بنفسي, بس الوقت
- Mitre Clamp
ممكن نقول عليها قامطة 45 درجة , بتجمع الزوايا ال 45 درجة بشكل ممتاز , عمري ما شفتها في مصر برضه
- Pipe Clamp , قامطة ماسورة
