اصنع بنفسك قماطة
Screw Clamp
معرفش اسمه إيه بالعربي ومعرفش موجود في مصر أصلاً ولا لاء, عمومًا هوه فكرته بسيطه وتنفيذه سهل, حصلت معايا شوية أخطاء والموضوع كان خلاص باظ وكنت متعكنن قوي علشان معنديش خشب تاني, بس اتصرفت وظبطتها, الأول لازم نوضح, دي أول محاولة, ودائمًا وأبدًا أول محاولة لازم يحصل فيها غلطات علشان تتعلم منها, لو محصلش غلط مش حتتعلم, والغلطات اللي حقول عليها دلوقتي دي اسمها خبرة, ودي اللي الواحد بيكتسبها لما يعمل غلط, مش لما يعمل صح, وأنا بنقل خبرة اكتسبتها معاكم, وإن شاء الله لما أجيب خشب تاني أعمل واحد أنضف وأوريكم الصور, كان في غلطات في التصميم ده أولاً, وكان في غلطة في الشغل وزودت صامولتين زياده بالغلط ولزقتهم ب إيبوكسي ومعرفتش أطلعهم تاني, بس اتصرفت واشتغلت عليهم, لكن نتيجة ده إني اضطريت أدق على الخشب ب شاكوش حديد وطبعًا علم على الخشب, المقاسات كمان مش مثاليه بس أنا حبيت أعمل واحد وأشوف الميكانيزم ماشي إزاي, توازي الأخرام في القطعتين كان مفارق كام مللي ونتج عنه ده إنه بيقفل بصعوبه, اليد كانت محتاجه تكون أصغر, لكن لما لقيته مش مظبوط أصلاً قلت مش محتاجه مجهود زياده, المره الجايه أظبطه تمام وحستخدم مثقاب علشان التوازي يطلع بالمللي.
المطلوب:
1 - منشار ساحقه أو سراق, أو حتى صفيحة منشار من حتقول لا
2 - قطعتين خشب موسكي وقطعتين بياض لليد (اللي كان عندي)
3 - مش عارف اسمها إيه بالعربي بس هيا حتة حديده كلها مقلوظة
Threaded rode4 - 6 صاموله حسب مقاس المسمار
5 - أيبوكسي
6 - شنيور صغير عادي وبنط حدادي مقاسات
7 - بنطه خشابي
جبنا الخشب وقطعناه حسب المقاسات اللي عايزينها, دي حسب الحجم اللي إنت عايزه, وقطعنا الاتنين من نفس الطرف بزاوية 45 درجة, مش لازم 45 بالمللي, على قد ما تقدر, وبدأت أخرم القطعه بالبنطه الخشابي علشان أبيت فيها الصاموله, أنا استخدمت صاموله 18 وبنطه عشرين, وبتحفر مكان للصاموله علشان تبيتها, وخلي الخرم عميق شويه علشان الصاموله تنزل تحت مستوى الخشب كام مللي مش أكتر, وبعدين تجيب البنطه العاديه وتوسع مكان للمسمار علشان لما يدخل ده تحت مكان بيات الصاموله
المطلوب:
1 - منشار ساحقه أو سراق, أو حتى صفيحة منشار من حتقول لا
2 - قطعتين خشب موسكي وقطعتين بياض لليد (اللي كان عندي)
3 - مش عارف اسمها إيه بالعربي بس هيا حتة حديده كلها مقلوظة
Threaded rode4 - 6 صاموله حسب مقاس المسمار
5 - أيبوكسي
6 - شنيور صغير عادي وبنط حدادي مقاسات
7 - بنطه خشابي
جبنا الخشب وقطعناه حسب المقاسات اللي عايزينها, دي حسب الحجم اللي إنت عايزه, وقطعنا الاتنين من نفس الطرف بزاوية 45 درجة, مش لازم 45 بالمللي, على قد ما تقدر, وبدأت أخرم القطعه بالبنطه الخشابي علشان أبيت فيها الصاموله, أنا استخدمت صاموله 18 وبنطه عشرين, وبتحفر مكان للصاموله علشان تبيتها, وخلي الخرم عميق شويه علشان الصاموله تنزل تحت مستوى الخشب كام مللي مش أكتر, وبعدين تجيب البنطه العاديه وتوسع مكان للمسمار علشان لما يدخل ده تحت مكان بيات الصاموله
تجيب شوية إيبوكس, نحطهم في مكان ما الصاموله حتبات ونحشرها ودقتين شاكوش, ونسيبها تنشف براحتها, عمومًا ساعه بتكون أكثر من كافيه, ونعمل الموضوع ده في حتتين الخشب ويكون الشكل زي اللي واضح في الصوره, عايزين نعمل يد بئه علشان نمسك بيها المسمار ونقفل ونفتح, برضه حتتين خشب صغيرين, ونخرمهم من النص ببونطه حسب مقاس المسمار, شوية إيبوكسي ونلف المسمار في الخشب ونشكلها شويه بالكاتر أو سكينة خشب علشان تبقى مريحه في الإيد (مكنتش لاقي الكاتر بتاعي, إكتشفت إن مراتي بتقطع بيه العجينه, كاتر ستانلي أصلي كنت شاريه من 3 سنين ب 60 جنيه, وأسلحه ستانلي بيتقطع بيه العجين, الخواجه ستانلي لو عرف كان انتحر), بالنسبه للدهان ممكن فلوت, جملاكه, وشين سيلر, أو حتى تسيبه من غير دهان خالص, ده غير معرض للعوامل الجويه نهائي ومش حيحصله حاجه, يعني إنت ومزاجك, أنا عن نفسي عملته وش فلوت وخلاص
برضه زي المره اللي فاتت, في فيدوهات أجنبي كتير بتشرح الموضوع ده, وفي ناس معانا ميعرفوش إنجليزي, بعد ما يقرأوا البوست ده اللي مفيهوش تفاصيل كتير, يتفرج على الفيديوهات حيفهم حتى لو الفيديو بالهيروغليفي, اللي عايز يشوف فيديو, يعمل بحث على كلمه
How to make a screw clampوأنا أرجح تتفرجوا على الفيديو ده علشان الشغل كان بمعدات بسيطه سهل تكون عندنا
