تجربة اصلاح لمبة ليد وتقليل فولت الخرج
شريط ليد ٤٦ ليد فصل،، وبعد فحصه تبين تلف ٢ ليد جنب بعض محروقين و٢ ليد عاملين شورت من الداخل
الفكرة هيه باستخدام مكثف البوليستر وتركيبه توالي قبل درايفر تشغيل الليدات ،،
بعد احتراق led او اكثر الفولت بيزيد علي بقية الليدات وفيه كذا طريقة لمعالجة وتقليل فولت الدائرة علي باقي الليدات
لكن باستخدام المكثف البوليستر توالي قبل الدرايفر هيقلل الفولت والتيار إجباري علي الدائرة كلها لأن المكثفات دي أساساً التيار المار بها بيكون ضعيف،، والتجربة كالآتي
بعد نزع الليدات التالفة وتوصيل الليدات السليمة توالي
تركيب المكثف قبل الدرايفر،،
المكثف الأخضر،، اللمبات لم تضيء
المكثف البني فاتح لم تضيء،، وتوصيل مكثف ثاني توازي اللمبات أضاءت ٥٠ %
بتركيب المكثف البني غامق إضائت الليدات ٨٠ ٪ إضائة كويسه وهنا الفكرة انك بتختار الفولت والتيار المناسب بتركيب المكثف،،
لأن كل مكثف وعلي حسب قيمته ( النانوفاراد)
بيعدي فولت وتيار معين زي المقاومة بالظبط
وبالقياس
الفولت علي الليد الواحد ٢.٨ فولت
و فولت الدخل ١١٦ فولت ac
الفولت على مكثف الدخل ١٢٩ dc
فولت الخرج بعد الدرايفر ١١٨ dc
قياس المكثف المستخدم البني غامق ٢٧٠ نانوفاراد، كان مناسب وتم استخدامه
قياسات المكثفين توازي كانت أقل والإضاءة أقل،،
الأهم طبعا ان يكون المكثف ٢٥٠ فولت واكثر
واخيرا كان فيه كلام أن تقليل الفولت بالدخل ممكن يسخن الموسفت او ic لأنه هيبذل مجهود اكثر لتعويض الليدات بالفولت المناسب،، وبالتجربة مفيش سخونه وتم تشغيل الشريط ٣ ايام متواصلة وشغال تمام
المكثف البوليستر موجود في التليفزيونات القديمة واري انه ممتاز لأنه مش بيسخن زي المقاومة
