التكييف الانفيرتير .... ديب فريزر انفيرتير .... ثلاجه انفيرتير .... اسبينسير انفيرتير
في الحقيقه الكومبريسور الانفيرتير .. سيااان ايا كان طراز التبريد والتكييف ..
اسئله كنير عن الأداء الاستهلاك
كانك بتقارن باور تولز بموتور بشربون و موتور براشليس
بالنسبه للأداء ..
الانفيرتير فعليا نقلة كبيرة في تحسين كفاءة الاستهلاك وتقليل الاهدار عن طريق التحكم في السرعات المنظمة للكومبريسور أثناء التشغيل
لو ضربنا مثل
هو بالظبط زي نظام ال variable displacement
في تكييف السيارات مع اختلاف الباور سواء كان نقل حركه من موتور السياره او مصدر كهرباء زي تكييف المنزل
التكييف المنزلي الانفيرتير يعمل بجهد ٢٢٠ فولت كسيستيم لكن الكومبريسور ٣ فاز والانفيرتير يرفع الجهد الي ٣ فاز وبيتم الحكم في سرعات الكومبريسور عن طريق تغيير التردد والفولت
التغيير ده بيتم من كنترول التكييف والبرمجة المسبقه بناء على البيئه المحيطه مثلا زي درجة الحرارة المطلوبة والحرارة الفعليه والخارجية و الكنترول يونت بيراقب معدل تغير درجة الحرارة داخل الغرفة باستمرار بمعني انه لو حقق التبريد المطلوب ما بيفصلش الكومبريسور لكن بيخفض سرعات الكومبريسور وده معناه وجود تبريد إضافي بسرعات منظمه منخفضه للكومبريسور ( معدل ازاحه اقل ) زي نظام كومبريسور السيارات الازاحه المتغيره
بدل نظام الثرموستات للمكيفات القديمه يفصل مره واحده وتحس بفرق درجات الحراره بعد فتره بسيطه
لكن في نظام الانفيتير فا طبيعي انت مش ها تحس بوجود التغيرات في الحرارة اللي بتحصل في نظام التكييف العادي القديم ... ده معناه استقرار ظروف مناخ التبريد مع تبريد إضافي موضح بالصور بشكل تقريبي للواقع
مع توفير هدر الطاقه لان
تكرار بدء تشغيل وإيقاف الكومبريسور في النظام القديم ينتج عنه start amp عالي جدا وده معناه استهلاك عالي للكهرباء
و في بعض الأحيان لو مفتاح circut breaker قديم او بحاله غير جيده يسقط و التكييف يفصل
معدل توفير الطاقه بيوصل 58 % حسب الموديل و منوال الاستخدام
باختصار او ببساطه شديده بدون الدخول في تفاصيل تشغيل او مكونات الوحده الخارجيه والداخلية و عدد الحساسات
تركيب التكييف الانفيرتير يحتاج إلي كوادر فنيه علي دراسه تامه و وعي بضغوط الغاز R410A
نظام R-410A يعمل بشكل طبيعي مع نفس درجة حرارة التكثيف 120 درجة و درجة حرارة تشبع المبخر 45 درجة لكن خد بالك
سيكون له ضغط جانبي مرتفع 418PSI
وضغط جانبي منخفض 130PSIG رطل / بوصة مربعة
يعني تركيب المواسير لازم بدقه ومفيش خفس وشغل عره
واخيرا في راي الشخصي مقارنة جهاز تكييف انفيرتير مع جهاز تكييف عادي ده استخفاف و اهانه للتكنولوجي الحديث ..
وفيه نظام آخر اعلي واغلي و أفضل مخصص للاقطاعيين من هواة الباور تولز
و هو نظام Dc solar air conditioner و تبعد عن الجهد بتاع الحكومه خالص .... توفير كهرباء 100%
يمكن اكون نسيت حاجه
بس ده اللي فاكره حاليا عن التكييف والتبريد لاني مهتم بالباور تولز أكثر
