اخواتنا اللي شقتهم حر فرن زي حالاتي انصحكم بالاتي ليلاتي يوماتي
طبعا الحر مبهدل اخر دور ربنا يرحمنا
انا فكرت في الحلول كلها مكلفه طبعا زي تندة الصاج او البوص وخلافه ماعدا حلين غير مكلفين ..
اولا الجير الابيض وده بلوة محدش يعمله خالص
ثانيا البلاستيك الابيض كنت شاكك بصراحه ف فاعليته بس قلت اجيب بستله واجرب لو نفعت كان بها
والحمد لله نفعت والفرق واضح ف الشقه بس مش اوي لاني لسه عامله انبارح بالليل لكن واصح جدا ع السطح .. حطيت ايدي اختبر درجة حرارة السطحين المدهون والغير مدهون لقيت فرق كبير يستاهل نعمل بلاستيك وشين كمان مش وش واحد .. انا عامل وش واحد .... فتوكلو علي الله وادهنو بلاستيك وانا هجيب بستله كمان وافرد باقي السطح
البستله ١٠ كيلو بتفرد ٧٠ متر مربع تقريبا ومتخفهوش اوي بالمياه
سعر البستله بيختلف من شركة لتاني من ١٦٠ ل ٣٢٠ هات اللي ١٦٠ اسمها ٣٠٣ والروله ٢٠ جنيه تقرييا
....
الدهان يكون بالليل والسطح بارد مش سخن وتنظفه الاول كويس وتكنسه وترشه بمياه خفيفه وبعدين تدهن
انصحكم برضو بحاجه صغيره كده الناس اللي عندها شفاطات ف المطبخ والحمام بالليل لما تلاقي الجو بره شقتك نوعا ما الهوا بارد شغل الشفاطات واقفل كل فتحات الشقه وافتح شباك واحد ف اخر الشقه بحيث الشفاطات تحسب هوا الشقه السخن كله ترميه بره وتسحب هوا بارد من الشباك ده.. الكلام ده لمدة ساعه مثلا
وطبعا اهم حاجه تقفل شباك الحمام والمطبخ اللي جنب الشفاط لان اقل فتحه فيهم تضيع فايدة الموضوع ده
👈👈👈واللي هيجرب حاجه من دول يقولنا تأثيرها ونتيجة تجربته
