حماية الدوائر الالكترونيه من تيار البدء المندفع/المفاجئ.
Protect circuits for inrush current using NTC, PTC.
+نبذة عن الفايرستور.
...........................
اولا ماهو التيار المفاجئ "inrush current"! عند تشغيل الجهاز سواء كان دارة بور أو اخري خصوصا المحركات الكهربائية في لحظة التشغيل هذة "اول متحط الفيشة" التيار بيندفع بقوة بيعمل سبايك لحظية"جزء من الثانية" بس كبيرة ممكن يوصل الي 100مرة أو أقل واكثر حسب ماذكرت بعض المواقع أو الضعف من التيار المطلوب أو اللي بيشتغل علي الجهاز.
ودا خطر تخيل أن في دارة معينة المفروض تسحب 3 امبير ولحظة التشغيل تسحب 30 امبير، ممكن تحرق حاجة ف الدارة، وتلاحظ أن في بعض الأجهزة عند توصيلها بتعمل شرارة دي ممكن يكون السبب فيها الانرش كرنت أو أسباب أخرى. حتي تسمع عن السوفت ستارت/البدء الناعم في المحركات أو الحد من التيار المندفع...
هنتكلم عن طريقة بسيطة للحد من هذا التيار باستخدام مقاومة الNTC والPTC.
هي مقاومات تتغير قيمتها مع تغير درجة الحرارة.
Negative Temperature Coefficient (NTC).
المقاومة ذات المعامل الحراري السالب، هي مقاومة ف الحالة العادية/درجة حرارة الغرفة بتكون مقاومتها عالي ولما تسخن/مع ارتفاع درجة الحرارة مقاومتها بتقل.
طيب اول منشغل الدارة التيار دا بيلاقي مقاومة كبيرة ف الطريق ف بيهدي/بيقاوم وبيسخن المقاومة ف بالتالي قيمتها بتقل وتسمح لمرور التيار عادي وبكدة تلافينا لحظة البدء لحظة اندفاع التيار "الانرش كرنت".
ودي شفناها في الديرة اللي تكلمنا عنها سابقا الsmps 12v 5A بعد الفيوز كانت موصلة توالي ثم الي الفلترة والتوحيد و....
Positive Temperature Coefficient (PTC).
المقاومة ذات المعامل الحراري الموجب، ودي عكس الاولي يعني قيمتها لتتناسب طرديا مع درجة الحرارة.
بس فيها مشكلة أن لما التيار يمر من خلالها بتسخن اكتر بالتالي قيمتها بتزيد اكتر، الحل ان بعد لحظة التشغيل/بعد ماتعمل مهمتها نشيلها من الدارة عن طريق مثلا ريلاي ودارة كنترول بسيطة.
لاكن الاشهر/الاكثر استخداما مقاومة الntc.
وفي بعض الدوائر بيعملوا دارة كنترول بسيطة ك مؤقت عشان يشيلوها من الدارة.
وبكدة كأنك عملت soft Start بسيط ويستخدم كثيرا في دوائر الsmps.
الخلاصة...عند لحظة التشغيل بيحصل اندفاع كبير للتيار وللحماية منة نضع مقاومة حرارية عشان نتلافية ونحمي الدارة منة، وتوضع علي التوالي "ممكن في بعض الأجهزة في حالات معينة نادرا توصل توازي".
وليس توازي ك الفايرستور والذي يحمي الدارة من زيادة الجهد المفاجئ بيعمل شورت وبيضحي بنفسة "فدائي الدائرة" عند زيادة الجهد حتي ينقطع الفيوز وقطع التغذية عن الدائرة.
