بعض اكواد واعطال التكييف

الحل الدائم لعلاج  مرضي صداء دوره التبريد وارتفاع الحراره والحمايه من جوان وش السلندر

البدايه افهم واعرف

تعرف منين ان طلمبه المايه راحت وماجتش ومحتاجه تتغير

(( بدون حل كامل السيور والكاتينه )) في 3 دقايق

حضرتك افتح غطا الريدياتير واصبر 2 دقيقه بص علي اتجاه سريان المايه..لو جدته من اليمن للشمال عادي جدا ومش واقفه المايه في مكانها..كده عال العال..

وفي حل تاني ولكن هايكلفك تغيير المايه لانك هاتفك الخرطوم العلوي ..وتصبر لما الريدياتير يجيب ميته....

لو فكيته والمايه نزلت والمراوح السرعه التانيه اشتغلت وفي اخرها خالص الريدياتير (( ماكحش )).. ايوه ..ماكحش ...

تفسير كح دي...يعني يطرد المايه متقطع ممكن توصل ل ٣٠ سم من الخرطوم...

لو ما عملتش كده ف خلال ( دقيقه ) بعد ما المراوح السرعه التانيه اشتغلت... كده بخ..الطلمبه ضعيفه جدا والريش بتاعتها راحت وماجتش

..

ملحوظه تانيه..

خلي بالك بالخبره كده ممكن نعرف ان المشكله في ريش الطلمبه لو مشاكل حراره متكرره رغم تغييرك للريدياتير والكوعه بالثيرموستات..بيمون اخر حل هو تغيير طلمبه المايه ....( ملاحظه ) ان تغييرها يستوجب حل سير الكاتينه والسيور كلها...وغالبا مصنعيتها مصنعيه تغيير طقم السيرر بالكاتينه..لانها تحت خالص....

وممكن تتغير لو قفشت وطلعت صوت او لو جابت مايه من ناحيه السيور..

غالبا هاتتغير بماسوره الفرن 👉... كده كده انت بتعمل صيانه لعربيه كانت مصديه ومهريه..

(وجهه نظري ان الطلمبه دي بتغير ) ومش داخله في جدول الصيانات تماما..ولكن بتتغير للعربيات اللي بتعاني من ارتفاع حراره مستمر او وقائيا كل ( 5 ) سنين استخدام ..دي تقديراتي انا مش التوكيل...

والله حضرتك محافظ من البدايه ان الدوره ماتصديش هاتحافظ عليها مده اطول...

الحل ( المكلف ) ولكن هاترتاح بعدين وبدون فك وش السلندر وبليه العب ميكانيكي العب..

الحل الدائم #المكلف لمرضي الصداء وارتفاع الحراره هو بتغيير التالي

1- تغيير غطا و تغيير ريدياتير ( مش تسليكه ) تغييره

2-تغيير كوعه مايه + 3 خراطيم

3- تغيير ماسوره الفرن وطلمبه الميه..

واتحداك يكون في حراره بعد كده...

بالشكل السابق انت عملت الصح..عملت حاجه او 2 من ما سبق فقط..انت #بترقع الاصلاح ومش هاتاخد اداء جيد...

بكرر..يا يتعمل المجموعه السابقه علي بعضها يا حضرت مش هاتاخد النتيجه المطلوبه.

حته تحديد هد الدوره كلها وتجديدها ترجع للمتخصص اللي هايكشف ويبص ويحدد

في بعض الاحيان بيتم تغيير قطعه واحده حسب مقدار الصداء والحاجه..وارد كوعه فقط..وارد كوعه وخراطيم..وارد كوعه وخراطيم وريدياتير وارد الطقم كله بالطلمبه... حسب مقدار الشكوي والضرر والحاجه...

البوست ده عشان ( تعرف ) ...😋...

حافظ علي عدم صداء الدوره من البدايه ( صيانه ).تعيش معاك..

الصيانه خير من الاصلاح..