الفرق بين خامات الاصلي والسوقي عدد كيلوهات ومده استخدام فقط👉
نعيد تاني..
فرق بين خامات الاصلي والسوقي عدد كيلوهات ومده استخدام فقط👉 مش فرق بضاعه كويسه وبضاعه مضروبه 👉 هاتفرقع ف وشك...
بمعني اخر👇
الاصلي #ممكن 4 سنين اواكثر بحاجه بسيطه 60 الف ايهم اقرب (( في ظل الاستخدام العادي للعربيه )) ركزت في الجمله السابقه دي ....طيب ولو قطعت كيلوهات كتير في مده زمنيه قليله..بيتم التغيير عند الوصول للعدد ده متوسط استهلاك 60 الف كيلو ايهم اقرب.
السوقي او التجاري او الرخيص
مثل /كونتننتال -جيتس -دايكو..والبلي المتوفرHsc او غيره
سنه ونص او 25 ل 30 الف استخدام. للضمان👉.
(( ولم اجد يوما ما كاتينه من الاسماء السابق ذكرها قطع او مضروب او مزيف )) 👉.. وسبب القطع للسير بيكون سؤ استخدام ومرور مده زمنيه كبيره علي وجوده زيه زي الاصلي.
مضاد ومخالف للقواعد دي ( تكرار غسيلك للموتور بالجاز او الفوم او البنزين او الميه او اي سوائل )👉. انت كده بتفقد كل السيور الماده المطاطيه بتاعتها وبتنشفها ف بديهي هاتشقق وتقطع..
لم اجد في ال 3 سيور ( باور ودينامو وتكييف ) ان اهم سير فيهم وهو ( سير الدينامو ) لم اجده في يوم من الايام خرج مقطوع او متهالك..حتي في السيور السوقيه التجاريه مش الاصلي...
ترتيب السيور من حيث الاهمبه.
سير الكاتينه
سير الدينامو
( فقط ) 😋.
معلومات عامه..
صيانه ال 60 الف (( اسمها كده )) فيها سير كاتينه وبلي كاتينه و 3 سيور ( باور ودينامو وتكييف ) وبوجيهات وفلاتر هوا وبنزين وتيل فقط.
رينج ومتوسط سعر الصيانه الاصلي كامل بالخامات هو من 1850 ل 2950 حسب مقدرتك الماديه وهل كله اصلي توكيل وله في تجاري من الخامات دي مثلا (( انا باقول متوسط سعر ))
رينج ومتوسط سعر الخامات التجاري كامله كما سبق زكره من 550 ل 650 جنيه شامله كل ما سبق ذكره..انت وحسب التاجر اللي هايبيع والمكان..
وزي ما اتفقنا..الفرق مش انه مضروب هايضرك..لا الفرق مده وطول وظروف استخدام وجوده وامان فتره تشغيل.
(( طبعا لا انفي او انكر عدم وجود المضروب اللي يضر بصاحب العربيه )).. هو موجود ولكن خارج مجموعه الاصناف السابق ذكرها..
في الاصلي وخطر جدا في منه المستنسخ ( وده اللي بيقطع فعلا )
تقدر تعرف من فصل الالوان جوده الكاوتش نفسه ووجود زيت المكنه علي ضهر السير وجوده الفنش نفسه كمان من طبقه الحمايه الداخليه واخيرا سعره..والتاجر بيكون عارف ان السير ده مستنسخ ومش اصلي عشان تكون عارف...👎
تجيب الاصلي لو انت استخدامك مناسب او قليل او عادي ومحتاج تكبر دماغك وتكون في الامان كل 3 سنين او 60 الف
#تجيب السوقي او التجاري👇
لو انت مثلا اوبر او كريم او تاكسي او خدمات وشركات ((( #افضلك ))) تغيير الطقم كل تمن شهور لسنه او 30 الف كيلو استهلاك ( بداخل السنه ).ولو بتجيب ال 30 الف دول كل سته شهور ..هاتداوم علي تغيير الكاتينه والبلي #التجاري بردو👉.. مش هاينفعك الاصلي👉 في الحاله دي لانه هايكون مكلف عليه و كمان مش مناسب لظروف شغلك القاسيه..فا انت محتاج مداومه تغيير.
********
شباب..البوست ده من واقع متابعتي لعربيات من مختلف الظروف وعلي مراحل زمنيه سنين..ناس تروح وترجع وابوص واشوف ف كونت نسق عن ما تم ذكره لحضرتك بناء علي خبرتي
********
هذا الكلام مش موجود في كتيب التعليمات..
