إصلاح الإطار له قواعد وأصول علشان تحافظ على إطارك وما تقصفش عمره وتضطر تجيب إطار جديد قبل العمر التشغيلي المفروض للإطار .
العالم بره بدأ يتجه بشده وحتى هنا في مصر بقاله كام سنة وانتشر حالياً الرقعة المشروم زي الموضحة في الصورة والي بتبقى الحل الأمثل لإصلاح ثقوب الإطارات لأنها بتملى فجوة الثقب وتعزل من جوه الإطار وبالتالي بتحافظ على شبكة السلك المكونة لهيكل الإطار من الصدأ
والإصلاح السليم له خطوات زي ما هو موضح في الصور وهنزلكم في بوست جديد فيديو بيوضح الخطوات دي عملياً علشان تشوفوها
ملحوظة : لما يكون عندك مسمار قلاووظ داخل في الإطار ما تشدوش بالعافيه من الإطار ... فكه بمفك عاده أو صليبه أو بمفتاح لو له راس علشان ما تبوظش شبكة السلك الخاصة بالإطار
