بعض اكواد واعطال التكييف

 إصلاح الإطارات في الورش البلدية

من أساليب النصب والعك في إصلاح الإطارات في الورش البلدية ... ان حضرتك وانت مش واخد بالك ومش مخون الصنايعي يروح خارملك الإطار بسمبك أو بخاتم فيه سن أكتر من خرم ويقولك بص يابيه ده انت عندك 6 أو 7 أخرام علشان يدفعك مبلغ وقدره والمشكلة هنا مش في المبلغ اللي هيدفع ... المشكلة ان الإطار كده بيكون اتقصف عمرها وباظت علشان سيادته عاوز يلهف 100 او 200 جنيه !!

والجديد بقى اني شوفت صنايعي ضرب كتر في الإطار من جوه وتسبب في قطع سطحي ظريف نضيف ولا أجدع جراح وطبعاً عاوز يلحمه وبالفعل ظبط الزبون اللي جالي وحكالي وكلمت صاحب العمل وحكيتله اللي حصل وأن ما فيش أي حاجه في الدنيا تقطع الكاوتش من جوه في عدم وجود أي أثر من بره ولا وجود مسمار كبير نافد مثلاً والراجل ما اتكلمش وطلبت منه تغيير الإطار كله بواحد تاني جديد ورد مبلغ الإصلاح كله وفصل الصنايعي الحرامي الغير أمين ... ونفذ ده كله بالفعل ... ربنا يحفظكم من عديمي الضمير دول !