إصلاح الإطارات وأسعار الإصلاح وقرأت التعليقات وطبعاً لقيت كلام كتير (مش دقيق)
أخواني الأعزاء ... قرأت بوست في جروبنا الحبيب بيتكلم عن إصلاح الإطارات وأسعار الإصلاح وقرأت التعليقات وطبعاً لقيت كلام كتير (مش دقيق)
وبصفة أن أخوكم مهندس ميكانيكا سيارات ولي خبرة 25 سنة في المجال وخصوصاً مجال الإطارات حبيت أفيدكم ببعض المعلومات في هذا المجال من خلال بعض الصور اللي جبتها من دورات تدريبية بقدمها للفنيين الذين يعملون بالمجال .
هنشرهالكم هنا من خلال أكتر من بوست لتوصيل أكبر كم من المعلومات ان شاء الله
أرجو أن تستفيدوا منها وأنا تحت أمركم في الرد على أي أسئلة لحضراتكم
تحياتي وكل عام وأنتم بخير وصحة وسعادة
أول معلومة لازم تعرفوها أن المنطقة المسموح بإصلاحها فقط في الإطار هي منطقة المداس ... ممنوع الإصلاح في منطقة الأكتاف أو الأجناب ... التصليح في هذه المناطق خطر ... للأسف الصنايعي الغير أمين لو جبتله الإطار مشقوق نصين هيقولك يا بيه نصلحها لأنه عاوز يطلع منك أي فلوس وخلاص ... والبعض منا للأسف برضه بيبقى بيفضل الإصلاح بدل ما يتدبس في شراء إطار جديد فيوافق الصنايعي وكل ده غلط ... اللهم بلغت اللهم فاشهد ... ما تعرضش حياتك وحياة اللي بيركبوا معاك للخطر ... الصور دي جايبها من أكتر من مصدر لمصنعي الإطارات ومصنعي خامات إصلاح الإطارات .
