بعض اكواد واعطال التكييف

اللي عندو تلاجه مش بتبرد الايام دي

اللي عندو تلاجه مش بتبرد الايام دي فدا عادي جدا نتيجه الحر الشديد اللي احنا فيه دلوقتي كمان الكهراباء ضعيفه الايام دي واضح في الجهاز اهو الكهرباء اقل من 190 والمفروض تكون 220 يعني التلاجات دلوقتي بيقابلها مشكلتين الحر الشديد والكهراباء الضعيفه 

فالحل بقي انك تطلع التلاجه من المكان الحر وتحطها في اطري مكان في الشقه او تحطها تحت مروحه او تشغل وراها مروحه 

وياريت لما تلاحظ ضعف الكهراباء تفصل التلاجه وتشيل فيشتها علشان تحمي الكباس من الحرق بسب ضعف الكهرباء 

اول ما موجه الحر دي تنكسر التلاجه هترجع تشتغل زي الفل 

ملحوظه بقي الناس اللي بستنصح وبتقاوح ويقولك هي التلاجه هتحس بالحر دا كلام فاضي اقوله بقي انت بالذات خليك مقتنع بفكرتك وهتلاقي متورك اتحرق 

اما اللي بيسال من باب العلم بالشئ دا حبيبي اقوله الكباس بيسخن بسبب الحر والكهرباء بتقصر فيه فبيفصل بسبب الحر والسخونه دا بياثر بالسلب علي الكبينه من تحت بمعني ان الكباس حرارته بتعلي بسبب اختلاف التيار وضعف الكهرباء والحر الشديد فيفصل مده كبيره لغايه ميرتاح فالجزء التحتاني للثلاجه يسيح ومبيبردش