عشان تعرف شاحن السامسونج اللي معاك اصلي ولا لاء
عشان تعرف شاحن السامسونج اللي معاك اصلي ولا لاء ، لازم تركز ع* الـ 5 بنود *دول ، وإعرف ان سقوط او الإخلال بإي بند من الـ 5 بنود دي إن تلقائي الشاحن ميبقاش اصلي ••
- 1. • البند الأول •- لازم تتأكد من إن بلد المنشأ او التصنيع لراس الشاحن هي** "فيتنام" **بالبنوط العريض تلاقيها مطبوعة علي راس الشاحن كده بالانجليزي "Made in Vietnam" ، ويكون مطبوع علي راس الشاحن وعلي العلبة نفس الأمر ، اي بلد تانية مكتوبة غير "فيتنام" كده انت شايل نسخه كوبي مش اصلي .
2. • البند الثاني •- اي راس شاحن اصلي لازم يطبع علي الراس تاريخ الإصدار او التصنيع ، ولازم تخلي بالك إن التاريخ لازم يكون متكون بالترتيب بمعني *** "اليوم ، الشهر ، السنه"* ومينفعش منعا بتاتا اي حاجه من الترتيب ده متكنش موجوده او تكون ساقطه ، يعني لو لاقيت او بند بتاع مكان التصنيع تمام ولقيت التاريخ مكتوب " الشهر ، السنه" فقط من غير اليوم ، يبقي الراس اللي معاك مش اصلي ، لازم الترتيب مع بعض ○○ ملحوظة للبند التاني ○○ ساعات بيبقى فيه فرق يومين ل ٣ او ٤ أيام بين تاريخ التصنيع اللي على الرأس واللي على العبوه بس بيبقى أيام معدوده ، بحيث تكون قريبه جداً من تاريخ التصنيع ع الراس ، ولازم التاريخ بيبقى بالكامل
- 3. • البند الثالث •- ال S/N او السريال نمبر يكون مطبوع علي راس الشاحن وضروري تتأكد انه نفس السريال هو هو مطبوع علي العلبة
- 4. • البند الرابع •- لازم يكون لراس الشاحن اسم موديل ، بمعني لازم تلاقي كلمه** Model بالانجليزي **، وتلاقي اسم الموديل بتاع الراس بإسم ، ويكون طبعا هو هو اللي مطبوع ع العلبه
- ***5. • البند الخامس • ***- اي راس شاحن تشتريها بغض النظر عن هي كام فولت بقي ، لازم تتاكد إن جنب رقم الفولت بتاع الشاحن كلمة (PPS) ودي مهمه جداً ولو مش موجوده يبقي طبعا مش اصلي
•• جزئية مش اساسية اوي والإخلال بيها مش بيخليه بالضرورة مش شاحن اصلي ألا وهى إن فيه بار كود مطبوع ع راس الشاحن والعلبة ، صورهم علي اي ابليكشن قارئ للباركود ، وشوف هيديك بعد مقرا الباركود بيانات راس الشاحن ولا لاء ، لو مطلعلكش بيانات او اي حاجه مش بالضرورة الراس ساعتها تكون مضروبة ، لكن اكيد من الافضل يكون فيه معلومات عن الراس ••
•• نقطة اخيرة برضو لازم الستيكر يبقى ملصق مش مطبوع على العبوه وغالباً أسفل يسار مش في اعلى يمين ولا في منتصف ظهر العبوه ••
•• الاهم من ده كله بقي والرغي الكتير ده ، إن المكان الوحيد و المضمون اللي تقدر تشتري منه راس الشاحن السامسونج الاصليه وانت مطمن هو "التوكيل" ثم "التوكيل" برضو ، وممكن بعض فروع فودافون
نآخد بالنا يا جماعه من الفرق بين الهاااااي كوبي والاصلي
الهاي كوبي بقى قريب اوي اوي من الاصلي ، يدوب فرق الطباعه والفونت وسماكة الفونت ولونه والموضوع بقى صعب جدا بكل أسف ،، المضروب بقى يرتقى لدرجة الأصلي بس غير آمن طبعاً
