بعض اكواد واعطال التكييف

 

السماعتين محتاجين تغيير الچوانات اصلاح السماعتين البايونير ال 100 واط اللي عمرهم فعلا 26 سنه

1. اشتريت الچوانين من باب اللوق من محل علي ناصية MTM اسمه الريادة للالكترونيات ب 100 جنيه الاتنين.

2. فكك السماعات و تنظيفها من كل اثر للچوانات القديمه .. واستخدمت الميني دريل و فرشه سلك و سنفره اسطوانيه.

3. تنضيف اماكن اللصق في الجوان بكحول و كذلك في السماعه بكحول.

4. وضع كلة الشعله علي المكانين بكمية كويسه مش كتير و مش قليل..

5. وسطنة الچوان علشان مايتزحلقش في اتجاه ويبقي مش متوسطن .. اول سماعه اللي باينة شغاله في الفيديو الچوان مترحل نص سنتي

استخدمت في السماعه التانيه 6 مسامير لوسطنة الجوان ..

6. جبت سماعه قديمه علي اد الجوان من عند الرق و حطيته علي الجوان و قلبت السماعه علشان وزنها (تقيل جدا) يعمل قوة ضاغطه علي اللصق و يترك حوالي 4 ساعات .. استخدمت الدفايه من بعيد علشان اخلي الجفاف اسرع.

7. نكرر نفس الخطوات في الاطار الخارجي للسماعه و نحط عليه فل التثبيت المقوص (3 قطع) و نربط السماعه فا ينضغط الجوان مكانه و برضوا نتركه حوالي 4 ساعات للجفاف.

السماعه الحقيقه البيز بتاعها رهيب بيخبط في قلب الواحد لكن للاسف مش باين في الفيديو ..

اترككم مع الصور و اي استفسار انا تحت امركم

منقول من المهندس Mohammad Abdeltawab Mohammad