خطوات تغيير رمان بلى الغسالة ايديال زانوسى بالصور بطريقة سهلة

دا رمان بلى SKF افضل نوع رمان بلى هات من مكان موثوق فيه عشان فية منه مضروب جبته من التوكيل فى اسكندرية فى شارع ابوالدرداء ب 150 جنية وفية الطوخى بيببع ارخص بس انا كنت اشتريت وواخد التوكبل برصو فى ش القائد جوهر 115 جنية فية محلات بتبيعة ارخص مقاس البلى دا 6204 و 6205 بيبقى مكتوب على شفة البلية ولو مش واضحة الكتابة خد البلية القديمة وهو هيقيسها ويديلك المقاس ومقاس البلى بيختلف من غسالة الى اخرى

1 - بسم الله نبدأ نفك الغطاء من المسامير اللى من الخلف ونشد الغطاء للخلف هيطلع ونفك الجوان بتاع الباب فيه طوق بلاستك ماسكة نطلع الطوق ونفك الجوان

2- نفط نصف البودى الخلفى فية مسامير فى الخلف ومسامير فى الجمب

3- نشيل كل الخراطيم والكبلات المتصلة بالحلة بس تكون عارف مكان كل حاحة مكانها فين والافضل تصور كل حاجة عشان مفيش حاجة تتوه منك ونفك السقل الاسمنتى الخلفى

4- نروح للحله نشيل خوبير المساعدين والسوست اللى شايلة الحلة ونزل الحلة

دا خبور لية شفة بتاع المساعدين فية 4 خوابير كل مساعد لية 2 خبور

نستخدم مفتاح او كماشة بحيث نقفل الشفة

دى طرية إخراج الخبور بواسطة مفتاح ومن الناحية الثانية نسحب الخبور ونلف يمين وشمال لحد ما يطلع

نزلنا الحلة الحمدلله على خير نكون حذرين عشان مفيش حاجة تتكسر

5-معلش هتتعب شوية نفك كل المسامير اللى بتربط نصفى الحلة مع بعض

6- فكينا كل المسامير الحمد لله نطلع الحلة الدوارة من نصف الحلة الخلفى وبعدها نطلع البلى القديم لو عندك زرجينة هتسهل عليك لو مش عندك معلش هتتعب شوية لان اخراجهم مش سهل ممكن يزرجن معاك وفية بلية في الامام وبلية فى الخلف ممكن تدوق بحرفية ممكن تستخدم خشبة ودق عليها لحد ميخرج الاكس والبلى

7_ ننظف مكان البلى القديم كويس ونركب البلى الجدبد نحط شحم ويكون نوعية كويسة ويتحمل الحرارة وزى متعبنا وحنا بنطلعة ممكن نتعب شوية وحنا بنركبة

8- نصنفر الاكس كويس ونركب وممكن ميركبش بسهولة حاول لحد متوصل خلى هندك صبر

9- نربط كل المسامير اللى لبتمسك نصفى الحلة ببعض

10- نفك طرمبة الطرد بمفك نحط المفك تحت قاعدتها ونرفعها لفوق ونسحبها للخلف هتطلع

دى طرمبة الطرد بعد متفكت

11- نفك القاعدة من نصف البودى الامامى نشدها للخلف هتطلع ليها مجرى بتركب فية

12- فكينا القاعدة ودورج الصابون وحامل الكارتة

13- نصنفرة كويس الأجزاء المصدية وبعدها ننظف كويس ونرشها بوهيا ممكن نلقط الأماكن اللى عايزه معجون بمعجون

14- ننظف بفرشة اسنان الكارتة بتنر او بنزين ممكن يكون فية تمليح او صدا ونكون حذرين ونراعى مجبش مادة التظيف على الاجزاء اللى عليها كتابة عشان ممكن تتمسح