خلاصة تجربه شخصيه مع دهان الدش
خلاصة تجربه شخصيه مع دهان الدش بعد الاطلاع على مصادر فى المحتوى الاجنبى و العربى:
الدش مبيندهنش لامع بيندهن مطفى عشان لو دهنته لامع هيعكس اشعة الشمس عالعدسه و هيبوظها و الكلام ده موجود فى جميع المواقع الاجنبيه و كلام جميع الناس اللى بتشتغل فى الدش
اصح حاجه يتسنفر كويس و يتنضف و يندهن برايمر حديد و ممكن تسيبه على كده
و ممكن بعد كده تديله وش او وشين لاكيه مطفى بتاع معادن من الدهانات الخارجيه مش الداخليه
الدهانات الداخليه مخصصه للحاجات اللى بتكون داخل المنزل بعيد عن الشمس و الحراره و العوامل الجويه و الدهانات الخارجيه العكس بالضبط
وممكن تدهنه اى لون مش لازم ابيض المهم يكون مش لميع - فى دشات بتتباع متلونه جاهزه فى برتقالى و فى اسود و مش فاكر كان فى الوان ايه تانى
انا داهن طبقين واحد 125 (اللى على بنفسجى فاتح) والتانى 60 (المخضر) شهر نوفمبر اللى فات
الدشين كانوا شغالين كويس بس عشان فى بارومه ابتدت تحصل فى الظهر وة الدهان قشر فى ال125 قلت بالمره نعمل الاتنين مع ان ال60 مكانش فيه حاجه غير حتة بارومه صغيره فى الشفه فى الضهر
حاولت الاول اسنفر بسنفره خشنه للاسف دهان الدش الاصلى صعب يطلع فاستخدمت فرشه مجدوله كوبايه عالصاروخ دى انجزت بس بهدله و شغل خطر وكله عافيه
و بعد كده بقيت اسنفر بسنفره تقريبا 180 بميه و صابون زى اللى بيتعمل فى دهان السيارات
البرايمير واخد كل دش 3 طبقات و فى الاول كنت باستعمل فرشاه عاديه و بعد كده استعملت روله سفنج ناعمه و لازم يكون الدهان خفيف و ايدك سريعه عشان الدهان ميحببش او يبتدى ينشف وانت شغال و يكلكع
التخفيف ماشى زى المكتوب على العلب بالضبط سواء البرايمر او اللاكيه
الموضوع كله اخد نص علبة برايمر و علبة لاكيه ابيض و 3 علب الوان الواحده جبتها ب5 جنيه من دارى
التنر و النفط مش فاكر جبت كام و التكلفه الكليه مش فاكرها
الصور انا مسميها بترتيب الاحداث فالمفروض انها تنزل بالترتيب
وللاسف كنت اتشغلت فمصورتش وش الدش ال125 بس الفنش بتاعه انضف بكتير من فنش الظهر اللى باين فى الصور لانى كنت مهتم بسنفرته و بالبرايمر اكتر من الظهر
منقول من Mista Lonewolf
