مشتريات من AliExpress
كاويه لحام 60 وات 4,32$ يعني وقفت بمصاريفها ب ١٠٠ جنية
بنطة مروحة 4,89$ وقفت بمصاريفها ب ١١٠ جنيه ( مقاس كبير)
الجمارك والرسوم البريدية ٣٤ جنية لكل طرد لوحدة ودي غلطتي لان كنت المفروض كنت اشتريتهم من بائع واحد وكان كل حاجة هتيجي مع بعض بطرد واحد
الاتنين جربتهم وجودتهم ماشاء الله فوق الممتاز
زمن الوصول شهرين 🤪 وصلوا مصر من زمان بس على ما خدوا دورهم
توضيح :
طريقة الشراء :-
بتشتري بفيزا البريد المصري بتطلعها ب 10 جنيه وانت واقف من اي مكتب بريد كبير وتشحنها منهم بردو بالفلوس (مصري ) وتشتري بيها من النت براحتك انا شحنتها ممثلا ب 300 يعني تقريبا 20 دولار واشتريت بيهم اللي عايزه من موقع AliExpress وحاول تختار بائع يون بيبيه كتير وتقييمه كويس وبيشحن لمصر مجاني وبعدين تشتري المنتج اللي انت عايزة وهيطلب منك فيزا علشان تدفع بيها دخل بيانات فيزا البريد اللي انت طلعتها وشحنتها علشان تدفع بيها والموقع يخصم تمن الحاجه اللي اشتريتها من الفيزا وتحط عنوانك واسمك ورقم تليفونك واقرب مكتب بريد ليك تحط رقمه البريدي
بعد كدا بتجيلك رسايل على الموقع ان الحاجه اتشحنت وبيديك رقم تتبع تشوف بيه حاجتك وصلت فين
وتفضل متابعها لحد ما توصل مصر بتاخد يجي شهر او اكتر على ما توصلك وانت ونصيبك
بعد كدا بتتحول للجمارك اللي بتقيم سعر المشتريات وتقرر الضريبه عليها وتسلم الطرد للبريد اللي بيوصلهولك على العنوان اللي انت كاتبه
لما تتبع الطرد بالرقم اللي مدينهولك وتلاقيه وصل عنوانك روح اسأل عليه في مكتب البريد وادفع الرسوم وخد حاجتك وخلاص كدا
تقدير الجمارك بترجع للموظف اللي بيقدر الرسوم عليها حسب تقديرة لتمن السلعه
والجمارك حسب علمي بتبقى غاليه على السلع الترفيهية زي المكياج والعطور والملابس واشباهها
بناء عليه مش ممكن تعرف قيمة الجمرك الا لما بتوصلك الحاجه بتاعتك على مكتب البريد بتاعك
