كل ما ترغب في معرفته عن الدريميل Rotary Tool
إن شاء الله حنتكلم عن Rotary Tool أو كما تسمى دريميل, مبدئيًا, كلمة دريميل دي أصلها إن أول روتاري اتعملت اخترعها الخواجه دريميل, علشان كده أي روتاري بيتقال عليها دريميل, حتى الأجانب بيقولوا كده, زي كلمه هيلتي بالظبط, طيب هيا عباره عن إيه أو استخدامها إيه وإيه هيا الخصائص بتاعتها, بالنسبة للاستخدام, هيا أساسًا, للحفر على الخشب وتشكيله, والنحت الصغير, والحفر على الزجاج, وتقطيع الزجاج, سن السكاكين, سنفره على صغير, وليها بنط صغيره بجميع الأشكال والاستخدامات اللي ممكن تتخيلها, المقاس كله واحد, 3.2 ملم, أحجار جلخ, سنفره, تلميع, تخريم, تقطيع صاج أو حديد رفيع, طيب هيا عباره عن إيه؟ عامله زي الصاروخ الصغير زي ما إنتم شايفين, بس مش واحد زاويه تسعين زي الصاروخ, هيا مستقيمه, يعني الصاروخ اسمه Angle Grinder دي ممكن نسميها مع نفسنا كده, Straight grinder طبعًا دي تسميه للتوضيح ليس إلا, المهم بتعتمد في شغلها على السرعة مش القوه, يعني إيه؟ يعني مثلاً الشنيور يعتمد على القوه, مش عدد اللفات, الدريميل بئه بتعتمد على عدد اللفات اللي بيكون رهيب بيكون فيها سرعات تبدأ في غالبية الدريميل من 3000 لفه لغايه 35000 و ساعات 37000 في الدقيقه, وده عدد لفات رهيب, يعني لو حتستخدمها, لازم تلبس واقي للعين, مفيش كلام, يكفي إنك تعرف إن الصاروخ اللي بنقول عليه بيلف بسرعه كبيره, عدد لفاته لا يتعدى ال 11000 لفه, يعني دي بتوصل لأكثر من 3 أضعاف الصاروخ, والبنطه بتاعتها ضعيفه, يعني سهل جدًا تتكسر ولا قدر الله تيجي في العين, طيب بما إنها بتعتمد على عدد السرعات مش قوة الموتور, يبقى علشان تاخد منها أحسن أداء, متضغطش عليها, سيبها تقوم بالشغل, حتضغط عليها, يبقى الموتور يسخن وسرعة اللفات تقل, وبالتالي الأداء يقل, في منها ماركات كتير, أنا جربت 3 أنواع, الدريميل الأصلي, و Great Nek و Super Power الدريميل عارفنها كلنا, التانيه ماركه أمريكي والتالته أسترالي, الفرق الوحيد اللي لقيته, إن الدريميل التهويه بتاعتها أحسن, وبالتالي الموتور مش بيسخن بنفس السرعه, لكن الأداء مختلفش كتير, في قطعه بتركب ليها اسمها Flex Shaft دي عباره عن حاجه زي الخرطوم, علشان لو محتاج تعمل حاجات دقيقة وتملكها أكثر, أنا بستخدم الفليكس دي كتير قوي, بس ليها عيبين, الأول بيخلي المكنه تفقد جزء كبير من قوتها اللي هيا بسيطه أصلاً, الحاجه التانيه لازم تكون المكنه عاليه والفليكس لتحت ومفروده
إن شاء الله حنتكلم عن Rotary Tool أو كما تسمى دريميل, مبدئيًا, كلمة دريميل دي أصلها إن أول روتاري اتعملت اخترعها الخواجه دريميل, علشان كده أي روتاري بيتقال عليها دريميل, حتى الأجانب بيقولوا كده, زي كلمه هيلتي بالظبط, طيب هيا عباره عن إيه أو استخدامها إيه وإيه هيا الخصائص بتاعتها, بالنسبة للاستخدام, هيا أساسًا, للحفر على الخشب وتشكيله, والنحت الصغير, والحفر على الزجاج, وتقطيع الزجاج, سن السكاكين, سنفره على صغير, وليها بنط صغيره بجميع الأشكال والاستخدامات اللي ممكن تتخيلها, المقاس كله واحد, 3.2 ملم, أحجار جلخ, سنفره, تلميع, تخريم, تقطيع صاج أو حديد رفيع, طيب هيا عباره عن إيه؟ عامله زي الصاروخ الصغير زي ما إنتم شايفين, بس مش واحد زاويه تسعين زي الصاروخ, هيا مستقيمه, يعني الصاروخ اسمه Angle Grinder دي ممكن نسميها مع نفسنا كده, Straight grinder طبعًا دي تسميه للتوضيح ليس إلا, المهم بتعتمد في شغلها على السرعة مش القوه, يعني إيه؟ يعني مثلاً الشنيور يعتمد على القوه, مش عدد اللفات, الدريميل بئه بتعتمد على عدد اللفات اللي بيكون رهيب بيكون فيها سرعات تبدأ في غالبية الدريميل من 3000 لفه لغايه 35000 و ساعات 37000 في الدقيقه, وده عدد لفات رهيب, يعني لو حتستخدمها, لازم تلبس واقي للعين, مفيش كلام, يكفي إنك تعرف إن الصاروخ اللي بنقول عليه بيلف بسرعه كبيره, عدد لفاته لا يتعدى ال 11000 لفه, يعني دي بتوصل لأكثر من 3 أضعاف الصاروخ, والبنطه بتاعتها ضعيفه, يعني سهل جدًا تتكسر ولا قدر الله تيجي في العين, طيب بما إنها بتعتمد على عدد السرعات مش قوة الموتور, يبقى علشان تاخد منها أحسن أداء, متضغطش عليها, سيبها تقوم بالشغل, حتضغط عليها, يبقى الموتور يسخن وسرعة اللفات تقل, وبالتالي الأداء يقل, في منها ماركات كتير, أنا جربت 3 أنواع, الدريميل الأصلي, و Great Nek و Super Power الدريميل عارفنها كلنا, التانيه ماركه أمريكي والتالته أسترالي, الفرق الوحيد اللي لقيته, إن الدريميل التهويه بتاعتها أحسن, وبالتالي الموتور مش بيسخن بنفس السرعه, لكن الأداء مختلفش كتير, في قطعه بتركب ليها اسمها Flex Shaft دي عباره عن حاجه زي الخرطوم, علشان لو محتاج تعمل حاجات دقيقة وتملكها أكثر, أنا بستخدم الفليكس دي كتير قوي, بس ليها عيبين, الأول بيخلي المكنه تفقد جزء كبير من قوتها اللي هيا بسيطه أصلاً, الحاجه التانيه لازم تكون المكنه عاليه والفليكس لتحت ومفروده
