كل ماترغب في معرفته عن صخور الدريميل
البوست ده حيكون طويل لسبب واحد صغير, كل مره مش برضى أطول في البوست علشان محدش يزهق, وبعدين أقرأ البوست بعد ما ينزل على الجروب وبيني وبين نفسي أقول طيب كنت شرحت هنا زيادة, طيب ليه أسيب النقطة دي, والنتيجة إني مش بكون راضي عن البوست, المره دي مليش دعوة, الموضوع فيه تفاصيل كتير ولازم تتحكي, , الموضوع ده أخذ مني وقت طويل شوية, اللي حيسألني سؤال يتأكد الأول إن الإجابه مش في البوست, استعنا ع الشقا بالله.
الفترة الأخيرة في ناس كتير اشترت دريميل, ولما بتشتري الدريميل أول مره, اللي بيحصل إن بيجي معاها شوية إكسسوارات, طبعًا بتكون مش كفاية من وجهة نظر اللي بيشتري وبيروح يشتري معاها طقم إكسسوارات في مليون قطعة, أشكال وألوان وبيكون مبهور بيها جدًا, وبعد فترة يكتشف إن نصهم مش حيستخدمهم وفلوس اتدفعت في الفاضي, وده اللي حصل معايا, وحنتكلم عن كل إكسسوار واستخدامه إيه, وحنلاحظ إن كل إكسسوار ينفع تقريبًا لكل الخامات, مع الفارق إن حيكون أفضل نتيجه ليه مع خامه معينه
1 - السنفره اسمها
Sanding Drum دي يا سيدي من أكتر القطع اللي حتهلكها عمومًا ولو شغال في الخشب هات منها على قد ما تقدر تشيل,
في منها ثلاث مقاسات زي ما باين في الصورة, باختصار, كبير ومتوسط وصغير, نص وربع وثلاث أثمان بوصه, بالنسبة للخشانات من 80 إلى 120 مشفتش منها 150 أو 180, عايز تشكل خشب, حتنفعك, عايز تسن سكينه شغال, عايز تعمل بيها كعب رجلك وتشيل جلد ميت, شغال, مش بهزر على فكره, تلمع حديد وتشيل صدأ, عيش, تقريبًا بتعمل كل حاجه, فارق رهيب بين ماركة دريميل والصيني, هات منها كتير وعيش مش حتندم.
Sanding Drum دي يا سيدي من أكتر القطع اللي حتهلكها عمومًا ولو شغال في الخشب هات منها على قد ما تقدر تشيل,
في منها ثلاث مقاسات زي ما باين في الصورة, باختصار, كبير ومتوسط وصغير, نص وربع وثلاث أثمان بوصه, بالنسبة للخشانات من 80 إلى 120 مشفتش منها 150 أو 180, عايز تشكل خشب, حتنفعك, عايز تسن سكينه شغال, عايز تعمل بيها كعب رجلك وتشيل جلد ميت, شغال, مش بهزر على فكره, تلمع حديد وتشيل صدأ, عيش, تقريبًا بتعمل كل حاجه, فارق رهيب بين ماركة دريميل والصيني, هات منها كتير وعيش مش حتندم.
2 - أحجار الجلخ, الوان وأنواع وأشكال وأحجام تخلي الواحد مش فاهم مين بيروح فين بكام, شوف يا سيدي, الموضوع بسيط, كل لون يعتبر كود, يعني ليه شغلانة معينه
اللي لونه برتقالي ده, بدون دخول في تفاصيل وشرح الفارق بين المصنوع من أوكسيد الألومنيوم أو السيليكون كاربيد, أسف مش عارف الترجمة بتاعتها, المهم اللي لونه برتقالي ده حلو جدًا في سن السكاكين, وحتلاقي منه خشن وناعم, مش معنى كده إن الباقي مينفعش, بس ده أحسن حاجه للسن
في واحد تاني حتلاقيه لونه أبيض, أصلاً مصمم للزجاج, علشان النحت على الزجاج وتنعيمه الشغل بتاعك, بينفع للمعادن برضه وحلو يتعمل بيه فينيش, لكن أساسه للزجاج
الحجر البمبى بئه, رغم إنه بمبى ومدلع بس ده للمعادن الشديده اللي مش عايزها تسخن منك في الشغل, الحجر نفسه مش بيسخن بالساهل وبالتالي مش بيسخن المعدن بسرعه
الأخضر, مجربتوش ومعنديش منه, لكن هوه بيسستخدم للكروم على وجه الخصوص, ليه مش عارف الصراحه مش عندي علشان كده مهتمتش بيه قوي ومش بشتغل في كروم نهائي, هوه عمومًا للمعادن الكريمه, مش عارف الترجمه دي صحيحه ولا لاء
الرمادي أظن الكل عارفه بس الكل بيستخدمه غلط, على فكره الرمادي ده بالذات آخر حاجه تسن بيها السكينه, تسنها بيه في حالة واحده بس, لو إنت في صحراء جرداء ومحتاج تسن السكينه علشان تجيب أكل, غير كده ده مش بتاع سن خااااااااااااالص, تشتغل بيه في نحاس مثلاً, ماشي, ألمونيا, تشيل رايش, كده يعني, طبعًا نرجع ونقول حيسن السكينه برضه, بس مش كويس
في ألوان تانيه بس أنا بصراحه مجربتهاش, وفي الغالب مش حيكون ليها احتياج قوي, هيا مش منتشرة أصلاً, طبعًا الأشكال المختلفه حسب نوعية الشغل بتاعك, محتاج شغل دقيق, شكل دائري, يعني دي بتختارها حسب احتياجك
اللي اشترى مجموعة على بعضها حيلاقي معاها بتاعه كده حجر مستطيل صغير, في حدود سنتي تقريبًا, ده اسمه
Dressing Stone المفروض ده بتعمل بيه صيانه أو نظافة لحجر الجلخ, الصراحه أنا دورت كتير علشان أفهم استخدامه إزاي ملقتش, بس الطريقه المنطقيه الوحيدة واللي اشتغلت معايا, بشغل الدريميل وأمشي حجر الجلخ عليها علشان أنضفه, اللي يعرف طريقه أصح ياريت يفيدنا
Dressing Stone المفروض ده بتعمل بيه صيانه أو نظافة لحجر الجلخ, الصراحه أنا دورت كتير علشان أفهم استخدامه إزاي ملقتش, بس الطريقه المنطقيه الوحيدة واللي اشتغلت معايا, بشغل الدريميل وأمشي حجر الجلخ عليها علشان أنضفه, اللي يعرف طريقه أصح ياريت يفيدنا
كده كفايه على أحجار الجلخ, ندخل في التلميع
3 - عندنا في التلميع في قطعة ناس كتير برضه مش عارفاها اللي هيا, وأعتذر تاني عن المسميات بالانجليزي, بس معرفش العربي
Rubber polishing wheelدي ببساطه إسطوانة مطاط للتلميع, في منها الأصفر, ده للسيراميك والزجاج وما شابه, الرمادي, ودي لغالب المعادن ويفضل النحاس, طيب دي عبارة عن إيه؟ دي تعتبر زي السنفره كده, بتشيل الخدوش البسيطه خالص, وفي منها خشانات زي السنفره, عن نفسي لما بعمل فينيش للدبل "حشرح إزاي تعمل دبلة في بوست تاني" بعد نا أخلص السنفره, بتشغل بيها قبل التلميع النهائي, اللي حنقول عليه في النقطة القادمه
Rubber polishing wheelدي ببساطه إسطوانة مطاط للتلميع, في منها الأصفر, ده للسيراميك والزجاج وما شابه, الرمادي, ودي لغالب المعادن ويفضل النحاس, طيب دي عبارة عن إيه؟ دي تعتبر زي السنفره كده, بتشيل الخدوش البسيطه خالص, وفي منها خشانات زي السنفره, عن نفسي لما بعمل فينيش للدبل "حشرح إزاي تعمل دبلة في بوست تاني" بعد نا أخلص السنفره, بتشغل بيها قبل التلميع النهائي, اللي حنقول عليه في النقطة القادمه
- نيجي بئه على ال
buffing wheel
العاديه, اللي بتكون معموله من الصوف, دي تلمع أي خامه تقريبًا, عدا الخشب طبعًا, دي الأكثر استخدامها, وفي منها بيكون قطن وبرضه مناسبه لكل حاجه تقريبًا
4 - دي برضه من القطع المهمه بسكوته القطعيه دي الترجمه بتاعتي, هيا اسمها
Fiberglass Reinforced Cut-off Wheels
دي لتقطع المعادن بجميع أنواعها, متحاولش تقطع بيها خشب علشان حتحرقه, دي بالظبط زي البسكوته بتاعة الصاروخ المستخدمه للتقطيع, نفس الخامه ونفس التصميم وكل شيء فارق الحجم بس, ولازم تاخد بالك ممكن تتكسر بسهوله
5 - تقطيع وتشكيل الزجاج, أولاً لتقطيع الزجاج بنستخدم
5 - تقطيع وتشكيل الزجاج, أولاً لتقطيع الزجاج بنستخدم
Diamond cutting wheel
زي بسكوتة بسكوتة القطعية اللي اتكلمنا عليها فوق بس بتكون معدن ومغطاة بماس صناعي لتقطيع الزجاج,
وفي عندنا واحده تانيه زي حجر الجلخ وبرضه للزجاج ومغطاة بكسر الألماس الصناعي, دي ممكن تخرم بيها أو تنعم بيها حرف الزجاج
البنط الرفيعه دي للحفر على الزجاج, برضه مغطاة بقطع ألماس والأشكال دي بتختار منها حسب الشغل
البنط الرفيعه دي للحفر على الزجاج, برضه مغطاة بقطع ألماس والأشكال دي بتختار منها حسب الشغل
